Hjólareiðameiðsli

Algengustu hjólreiðameiðslin

Verkir í hálsi

Hjólreiðafólk finnur oft fyrir verkjum í hálsi og öxlum vegna áfram hallandi stöðunnar sem það er í lengi í einu.
Bandvefurinn í brjóstkassanum veldur einnig oft verkjum í tengslunum milli hálsins og brjóstkassans.

Náladofi í höndum

Þessi tegund einkenna kemur oft fram hjá þeim sem hjóla mjög reglulega eða keppa í hjólreiðum, en vinna daglega á skrifstofu og sitja því marga klukkutíma á dag. Ástæðan er sú að blóðrás og taugar út í handleggina og hendurnar klemmast á milli viðbeins og efsta rifbeins þegar hjólreiðafólk þreytist og byrjar að „hanga á stýrinu“, þ.e. að leggja þyngd efri hluta líkamans á stýrið.

Verkir í baki

Það svæði sem oftast verður fyrir álagi hjá hjólreiðafólki er mjóbakið. Þegar hryggurinn hefur verið í áfram hallandi stöðu nánast allan daginn, bæði í vinnunni og á hjólinu, getur álagið orðið of mikið á þetta svæði.

Hjólreiðar krefjast einnig mikils hreyfanleika til beggja hliða, þar sem hliðarhreyfingarnar styðja við kraftflutninginn frá kjarna­vöðvum í kvið og baki, í gegnum fæturna og til pedalanna.

Mjóbakið er mikilvægasta svæði líkamans þegar kemur að hreyfanleika til beggja hliða.

Mjaðmagrindarverkir

Eitt af algengustu vandamálunum tengdum hjólreiðum eru verkir í mjaðmagrindarsvæði. Vegna stöðunnar á reiðhjólinu þarf ekki mikið til áður en lærleggurinn klemmir liðþófann í mjaðmaskálinni,  sem er það bandvefslag sem heldur lærleggshöfuðinu á sínum stað í liðnum. Langvarandi setstaða á röngum hnakki getur til dæmis valdið spennu í mjaðmabeygjum, djúpu rassvöðvunum eða djúpum mjaðmavöðvum, sem getur leitt til klemmu og bólguástands í mjaðmarliðnum.

Það er einnig krafist mikillar hreyfigetu og stöðugleika í liðum mjaðmagrindarinnar, þar sem liðirnir virka sem vogararmur fyrir kraftinn sem kemur frá kjarnavöðvunum niður í fætur.

Verkir í hnjám

Hnén eru mikilvæg þegar kemur að kraftflutningi hjá hjólreiðafólki. Því miður er hreyfigeta hnéliðsins háð hreyfigetu mjaðmagrindar og ökklaliða, þar sem hnéð hefur ekki fasta festu eins og hinir liðirnir. Þetta gerir hnéliðinn mjög viðkvæman fyrir álagsmeiðslum.

Náladofi í fótum

Eins og með dofa í höndum bendir þetta til þess að blóðrás og taugar séu klemmdar á leið sinni niður í fótinn. Spenntir mjaðmabeygjuvöðvar og rassvöðvar, röng staða í mjaðmagrind og bakverkir eru oft ástæður fyrir náladofa í fótum.

Bráð hjólreiðameiðsli og forvarnir

• Meðferð á bráðum meiðslum – við erum sérfræðingar í að finna orsakir bakverkja, hálsvandamála, hnéverkja, mjaðmarverkja o.fl. Hjá Osteonordic höfum við yfir 10 ára menntun á sviði skoðunar og meðferðar á vandamálum í öllum líkamanum.

• Forvarnir – hjólreiðar krefjast mikillar hreyfigetu á mörgum svæðum líkamans. Osteonordic greinir mismunandi svæði líkamans, einstaklingsmiðað út frá líkamsgerð og lífeðlisfræðilegri hreyfingu (lífmekaník), með það að markmiði að halda líkamanum heilbrigðum og lausum við meiðsli. Við skoðum og meðhöndlum einnig öll kerfi líkamans sem hjálpa við að ná betri frammistöðu og bata eftir erfiðar æfingar.

Osteópatíumeðferð við hjólreiðameiðslum

Við erum sérfræðingar í að finna orsakir verkja sem tengjast hjólreiðum. Við meðhöndlum öll kerfi líkamans, meðal annars stoðkerfi, innri líffæri, blóðrásarkerfi, hormónakerfi, taugakerfi og höfuðbeina- og spjaldhryggjarkerfi, með það að markmiði að bæta frammistöðu á hjólinu, sem og að fyrirbyggja og meðhöndla meiðsli.