Kíghosti – Einkenni barna og fullorðna, smitleiðir og meðhöndlun

Hvað er kíghósti?

Kíghósti er á ensku þekktur sem Whooping coughog er sýking af völdum bakteríunnar Bordetella pertussis sem einkennist af miklum og óviðráðanlegum hóstaköstum sem geta gert það erfitt að anda, borða og sofa.

Sjúkdómurinn getur haft áhrif á fólk á öllum aldri en er einkanlega alvarlegur hjá ungabörnum og ungum börnum. Kíghósti getur verið sérstaklega hættulegur ungabörnum yngri en sex mánaða þar sem þau hafa ekki enn verið búlusett til fulls (Heimild: Center for Disease Control and Prevention).

Hvernig er kíghósti smitandi?

Kíghósti dreifist fyrst og fremst með úða frá hósta eða hnerra frá sýktum einstaklingi og er sjúkdómurinn mest smitandi snemma á ferlinu, áður en hóstaköstin verða alvarleg. Eftir að hóstaköstin byrja að aukast heldur einstaklingurinn áfram að vera smitandi í allt að tvær til þrjár vikur ef hann er ekki meðhöndlaður (Heimild: Statens Serum Institut).

Á þessu tímabili getur sjúklingurinn fundið fyrir aukaverkunum eins og bakverkjum sem tengjast þrálátum hósta.

Meira um hvernig við getum aðstoðað við að draga úr bakverkjum.

Einkenni kíghósta

Einkenni kíghósta þróast á mismunandi stigum. Upphafseinkennin eru svipuð kvefi og geta verið:

• Nefrennsli
• Vægur hiti
• Vægur hósti

Eftir um það bil viku eða tvær geta einkenni sjúkdómsins breyst þar sem alvarleiki einkenna eykst, þar á meðal:

• Langvarandi hóstaköst sem enda með soghljóði þegar viðkomandi andar að sér
• Uppköst eftir hóstakast
• Þreyta eftir hóstakast

(Heimild: Sundhedsstyrelsen)

Forvarnir og meðferð við kíghósta

Forvarnir gegna mikilvægu hlutverki í baráttunni gegn útbreiðslu kíghósta og helsta forvörnin er bólusetning, sem mælt er með fyrir bæði börn og fullorðna. Hér eru frekari upplýsingar um forvarnir og meðferðarmöguleika:

Bólusetning

Í Danmörku er öllum foreldrum boðið upp á barnabólusetningar fyrir börn sín til að koma í veg fyrir sjúkdóma sem geta verið alvarlegir fyrir börn og ungabörn. Bólusetningar byrja frá þriggja mánaða aldri með barnaveiki-stífkrampa-kíghósta-mænusóttarbóluefni (Heimild: Statens Serum Institut).

Diphteria – Barnaveiki
Tetanus – stífkrampi
Pertussis – Kíghósti
Polio – Mænusótt

Foreldrar, heilbrigðisstarfsmenn og aðrir fullorðnir sem eru í reglulegu sambandi við ung börn geta einnig fengið bólusetningu (booster)(Heimild: Sundhed.dk).

Hreinlæti

Gæta þarf vel að hreinlæti sem er nauðsynlegt til að koma í veg fyrir útbreiðslu kíghósta. Þetta felur í sér vandlegan handþvott, sérstaklega eftir hósta eða hnerra, og mikilvægt er að hylja munn og nef þegar hóstað er eða hnerrað.

Einangrun

Fólk sem greinist með kíghósta ætti að vera í einangrun frá skólum, vinnu og opinberum stöðum þar til það hefur fengið viðeigandi sýklalyfjameðferð og er ekki lengur talið smitandi. Þetta er til að forðast útbreiðslu smita.

Sýklalyfjameðferð

Hægt er að ávísa sýklalyfjum til fólks sem greinist með kíghósta til að draga úr lengd og alvarleika sjúkdómsins auk þess að minnka líkur á smithættu. Meðferð er áhrifaríkust þegar byrjað er snemma í sjúkdómsferlinu.

Að viðhalda heilbrigðum lífsstíl

Sterkt ónæmiskerfi á yfirleitt auðveldara með að berjast gegn sýkingum. Það er því full ástæða til að reyna að viðhalda heilbrigðum lífsstíl með fjölbreyttu mataræði, reglulegri hreyfingu og nægri hvíld því það styður við virkni ónæmiskerfisins.

Funktionel Medicin meðferð getur aðstoðað þig við að viðhalda heilbrigðum lífstíl

Kíghósti og barnshafandi konur

Þungaðar konur ættu að vera sérstaklega meðvitaðar um hættuna á kíghósta, þar sem sýkingin hefur ekki aðeins áhrif á móðurina, heldur getur hún einnig haft alvarlegar afleiðingar fyrir fóstur.

Sýking á seinni stigum meðgöngu eykur hættuna á að bakteríurnar berist til barnsins, sem getur verið lífshættulegt fyrir barnið. Þetta á sérstaklega við ef barnið fæðist fyrir settan dag eða ef barnið er sýkt áður en það hefur fengið bólusetningu.

Mælt er með því að verðandi mæður fái bólusetningu við kíghósta á þriðja þriðjungi hverrar meðgöngu sem hluti af fyrirbyggjandi aðgerðum, sem getur hjálpað til við að flytja mótefni til fósturs og veita vernd eftir fæðingu þar til hægt er að bólusetja barnið sjálft (Heimild: Sundhedsstyrelsen).

Osteópatía getur aðstoðað við að draga úr öðrum óþægindum á meðgöngu eins og grindarverkjum eða kviðverkjum – meira um þetta hér.

Kíghósti: munur á börnum og fullorðnum

Einkenni kíghósta og þróun sjúkdómsins geta verið töluvert mismunandi milli barna og fullorðinna. Hjá börnum, sérstaklega ungabörnum, eru einkennin oft alvarlegri og geta falið í sér öndunarstopp (öndunarhlé), sem krefst tafarlausrar læknishjálpar. Börn geta einnig fundið fyrir miklum og óviðráðanlegum hóstaköstum sem geta valdið líkamlegum fylgikvillum eins og brotin rifbein eða kviðslit.

Fullorðnir og eldri börn geta haft vægari einkenni og sumir fullorðnir geta jafnvel ruglast á einkenni kíghósta og kvefi eða þrálátum hósta, sem getur leitt til seinkunar á greiningu og meðferð. Þess vegna mikilvægt að fullorðnir með þrálátan hósta leiti til læknis – sérstaklega ef þeir hafa verið í tengslum við fólk með kíghósta eða eru í kringum ungabörn.

Osteópatía og kíghósti

Þrátt fyrir að osteópatía geti ekki læknað kíghósta, geta osteópatískar meðferðir hjálpað til við að draga úr sumum einkennum sem tengjast sjúkdómnum. Með því að einbeita sér að því að bæta almenna virkni öndunarfæra og stuðla að sogæðarennsli geta osteópatar hjálpað til við að draga úr styrk og tíðni hóstakasta.
Að auki geta aðferðir sem miða að því að draga úr spennu í brjósti og í kringum rifbein bætt öndunarstarfsemi og hugsanlega dregið úr óþægindum í tengslum við alvarleg hóstaköst.

Fjárfesting í vellíðan þinni

Kíghósti er alvarleg öndunarfærasýking sem krefst vandlegrar meðferðar og inngrips, sérstaklega hjá ungum börnum. Þó að osteópatía komi ekki í stað læknismeðferðar getur það verið dýrmæt viðbót til að hjálpa til við að stjórna og draga úr einkennum sem tengjast sjúkdómnum.

Ef þú eða einhver sem þú þekkir glímir við eftirköst af kíghósta, eða vilt styrkja getu líkamans til að takast á við öndunarfærasýkingar í framtíðinni, getur osteópatíumeðferð verið ótrúlega dýrmætt inngrip.

hægt er að sjá meðferðir sem við bjóðum upp á hér.

Við hjá Aarhus Osteopathy erum staðráðin í að styðja við bataferlið þitt og almenna vellíðan.

Hafðu samband við okkur í dag til að fá frekari upplýsingar um hvernig við getum hjálpað þér.